वामपन्थी पार्टीहरुसँग एकता लागि पहल गर्ने एकीकृत समाजवादीको निर्णय

काठमाडौं । नेकपा एकीकृत समाजवादीले वामपन्थी पार्टीहरुसँग एकता तथा कार्यगत एकताका लागि पहल गर्ने भएको छ । 

वामपन्थी पार्टीहरुसँग एकता तथा कार्यगत एकताका लागि वार्ता गर्न एकीकृत समाजवादीले ४ सदस्यीय वार्ता समिति बनाएको छ ।

बिहीबार बसेको पार्टीको केन्द्रीय सचिवालय बैठकले महासचिव डा बेदुराम भुसाल, उपमहासचिवहरु प्रकाश ज्वाला, डा गंगालाल तुलाधर र डा विजय पौडेल रहेको समिति गठन गरेको हो ।

नेकपा एमाले परित्याग गरि स्वतन्त्र उम्मेदवारी दिनुभएका वामपन्थी नेता घनश्याम भुसाल लगायतका नेताहरु एकीकृत समाजवादी प्रवेश गर्ने चर्चाकाबीच एकीकृत समाजवादीले वामपन्थी पार्टीहरुसँग एकता तथा कार्यगत एकताका लागि पहल गर्ने निर्णय गरेको हो ।