काठमाडौंको गेस्ट हाउसमा ३४ वर्षीया महिला मृत फेला

काठमाडौं । काठमाडौंको मित्रनगरस्थित एक गेस्ट हाउसमा एक महिला मृत अवस्थामा फेला परेकी छन्।

मित्रनगरस्थित स्वर्गद्वारी गेस्ट हाउसमा रोल्पाको मागदी गाउँपालिका–७ घर भएकी ३४ वर्षीया अस्मिता पुन मृत फेला परेकी हुन्।

उनी सुतेकै अवस्थामा मृत फेला परेकी प्रहरीले जानकारी दिएको छ। प्रहरीका अनुसार पुन विगत ३ दिनदेखि उक्त गेस्ट हाउसमा बस्दै आएकी थिइन्।