गैरदलीय व्यक्तिलाई राष्ट्रपति बनाउने कल्पनासम्म गर्न सकिँदैन : प्रचण्ड

काठमाडौं ।  नेकपा माओवादी केन्द्रका अध्यक्ष पुष्पकमल दाहाल प्रचण्डले गैरदलीय व्यक्तिलाई राष्ट्रपति बनाउने कल्पनासम्म गर्न नसकिने बताएका छन्।

आइतबार पार्टी पदाधिकारी बैठकमा प्रचण्डले गैरदलीय व्यक्तिलाई राष्ट्रपति बनाउने कुरामा कुनै सत्यता नभएको बताएका हुन्। राष्ट्रपति राजनीति बुझेको मान्छे हुनुपर्ने र दलकै व्यक्ति हुनुपर्ने उनको भनाइ छ।

त्यस्तै उनले सबैलाई एकताबद्ध भएर अघि लैजान आफूले प्रधानमन्त्रीमा दाबी गरेको बताए। उनले निर्वाचित सांसदहरुको शपथग्रहण अगावै सरकार गठन प्रक्रिया अगाडि बढाउन नमिल्ने बताए।

निर्वाचित सांसदहरुको सपथग्रहण बिना नै सरकार गठन प्रक्रिया अघि बढाउनु भनेको उल्टो प्रक्रिया हुने भन्दै त्यसतर्फ सम्बन्धित निकाय सचेत हुनुपर्ने उनले बताए। 

राष्ट्रपति कार्यालयले भने आइतबार एक साताको समय दिएर सरकार गठन गर्न दलहरुलाई आह्वन गरेको छ।