चन्द्रागिरी हिल्सको साधारण सभा पुस २१ गते

काठमाडौं। चन्द्रागिरी हिल्स लिमिटेडले आफ्नो १३ औँ वार्षिक साधारणसभा डाकेको छ। कम्पनी सञ्चालक समितिको बुधबार (मंसिर २८ गते) बसेको बैठकले वार्षिक साधारणसभा आउँदो पुस २१ गते आयोजना गर्ने निर्णय गरेको हो।

सभा काठमाण्डौको थानकोटस्थित कम्पनीको कार्यालयमा बिहान ११ बजेबाट सुरु हुनेछ। सभाले संस्थापक सेयरधनीका तर्फबाट सञचालक समितिमा प्रतिनिधित्व गर्ने सञ्चालकको निर्वाचन गर्नेछ। आर्थिक वर्ष २०७८–७९को वार्षिक तथा लेखापरीक्षकको प्रतिवेदन पनि सभाले अनुमोदन गर्नेछ।

सभाले आर्थिक वर्ष २०७९–८० को लेखापरीक्षण कार्यका लागि लेखापरीक्षक नियुक्ति गर्ने र निजको पारिश्रमिक निर्धारण गर्नेछ। वार्षिक साधारणसभाका लागि कम्पनीले पुस १२ गते बुक क्लोज गर्ने निर्णय गरेको छ। यसको अर्थ पुस ११ गतेसम्म कायम सेयरधनीहरुमात्रै यो कम्पनीको वार्षिक साधारणसभामा भाग लिन पाउँछन्।