सुन तथा चाँदीको मूल्यमा सामान्य गिरावट

काठमाडौं । सोमबार नेपाली बजारमा सुन तथा चाँदीको मूल्यमा सामान्य गिरावट आएको छ। आइतबारको तुलनामा सुन प्रतितोला १ सय र चाँदी प्रतितोला ५ रुपैयाँ घटेको हो। 

आइतबार छापावाल सुन प्रतितोला ९७ हजार ३ सय रुपैयाँमा कारोबार भएको थियो। सोमबार छापावाल सुनको मूल्य प्रतितोला १ सय रुपैयाँ घटेर ९७ हजार २ सय रुपैयाँ कायम भएको छ। 

त्यस्तै चाँदीको मूल्य पनि प्रतितोला ५ रुपैयाँ घटेको हो। सोमबारका लागि चाँदीको मूल्य १२ सय ९५ रुपैयाँ तोकिएको छ। आइतबार चाँदी प्रतितोला १३ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।