नुवाकोट २ ‘क’ प्रदेशबाट प्रदेश सांसदमा दाहाल सिफारिस 

नुवाकोट । नेपाली कांग्रेस नुवाकोट प्रदेश क्षेत्र नम्बर २  ‘क’ ले युवा नेता जयराम दाहाललाई प्रदेश सांसदको उम्मेदवार बनाउन माथिल्लो तहमा सिफारीस गरेको छ। 

प्रदेश समिति र त्यस क्षेत्रका महाधिवेशन प्रतिनिधहरूको बैठकले प्रदेश २ ‘क’मा प्रत्यक्ष निर्वाचन लड्न महाधिवेशन प्रतिनिधि समेत रहेका दाहाललाई  सिफारिस गरेको हो ।

लामो समय नेपाली कांग्रेसको राजनितिमा सक्रिय रहेका दाहाल पछिल्लो समय जिल्लाको विकास निर्माणको काममा क्रियाशील छन् । 

केन्द्रीय तह देखि स्थानिय तहसम्मका सबै नेताहरूसँग राम्रो पहिचान बनाएका दाहाललाई जिल्लाको समग्र विकासका लागि पनि सांसद बनाउनु पर्ने लबिइङ भइरहेको छ।           

दाहालले नेपाल विद्यार्थी संघबाट राजनीति सुरु गरेका हुन् । २०५५ मा साबिक जिलिङमा रहेको कल्याणी देवी माध्यामिक विद्यालयमा इकाइ अध्यक्ष बन्दै राजनीतिमा थप सक्रिय बनेका उनी २०५७ मा साबिक क्षेत्र नं १ को क्षेत्रीय सदस्य हुँदै २०६१ सालमा सोही क्षेत्रबाट नेविसंघको क्षेत्रीय सभापतिमा निर्वाचित भएका थिए ।

रत्नराज्य क्याम्पसमा पढ्दै गर्दा विभिन्न जिम्मेवारीमा रहेर काम पनि गरे ।

नेपाल विद्यार्थी संघको ११ औं महाधिवेशन बाट नेविसंघको केन्द्रीय सदस्यमा निर्वाचित भएका थिए भने पार्टीको १४औँ महाधिवेशनमा नुवाकोट क्षेत्र नं २ बाट महाधिवेशन प्रतिनिधिमा निर्वाचित भएका ब्यक्ति  दहाल हुन् ।

उनले राजनीति शास्त्रमा मास्टर्स र एल एल बि पास गरेका छन।