बन्जी जम्प गर्ने ओलीको रहर !

काठमाडौं । नेकपा एमालेका अध्यक्ष केपी शर्मा ओलीले बन्जी जम्प गर्ने चाहना राखेका छन् ।

आइतबार युवा संघले गरेको आयोजना कार्यक्रममा उनले आफूलाई बन्जी जम्पमा जान मन भएको सुनाएका हुन्।

टिकटकमा भिडियो देखेर आफूलाई बन्जी जम्प गर्न मन लागेको ओलीले सुनाए। तर, उमेरका कारण आफ्नो इच्छा पूरा हुन नसक्ने हो कि भन्ने चिन्ता उनले व्यक्त गरे।

ओलीले भने, ‘मलाई पनि बन्जी जम्प जाउँजाउँ जस्तो लाग्छ। तर अलि उमेर बढी भएको हुनाले बन्जी जम्पले के गर्ला भनेर समस्या हुन सक्छ। डाक्टरलाई सोधेर जानुपर्छ।’ युवाले भने डाक्टरलाई नसोधी बन्जी जम्प गर्न सक्ने ओलीले बताए।

ओलीले गत फागुन ११ गते आफ्नो ७१ औं जन्मदिन मनाएका हुन्।