दोलखाको भीमेश्वर नगरपालिका-१ मा ३० वर्षपछि कांग्रेसको जित

काठमाडौं । दोलखाको भीमेश्वर नगरपालिका-१ मा ३० वर्षपछि नेपाली कांग्रेस विजयी भएको छ। वडाध्यक्ष पदमा कांग्रेसका उमेदवार माधव थामी एक हजार ३६ मत ल्याएर विजयी भएका हुन्। 

उनले नेकपा एकीकृत समाजवादीका उमेदवार केशवप्रसाद शिवाकोटीलाई पराजित गरे। शिवाकोटीले ७७७ मत पाएका छन् । यो वडामा नेकपा एमाले तेस्रो भएको छ। एमालेका जंगबहादुर थामीले ७३१ मत पाएका छन्।

भीमेश्वर नगरपालिका-१ मा बहुदलयता कांग्रेसले जितेको थिएन। यहाँ कांग्रेस र माओवादीबीच चुनावी तालमेल भएको थियो। 

एकीकृत समाजवादी, एमाले, जनता समाजवादी पार्टी (जसपा) र राप्रपाले छुट्टाछुट्टै प्रतिस्पर्धा गरेका थिए।