नेपाली बजारमा तोलामा ८ सयले बढ्यो सुनको मूल्य

काठमाडौं । नेपाली बजारमा आज सुन तोलामा ८ सय रुपैयाँले बढेको छ। 

बिहीबारको तुलनामा ९८ हजार ९ सय रुपैयाँमा कारोबार भएको सुन आज ८ सय रुपैयाँले बढेर ९९ हजार ७ सय रुपैयाँमा कारोबार भइरहेको हो।

नेपाल सुनचाँदी व्यवसायी महासंघका अनुसार तेजावी सुनको मूल्य प्रतितोला ९९ हजार २ सय रुपैयाँ कायम गरिएको छ।

यस्तै, चाँदीको मूल्य पनि आज १० रुपैयाँले बढेर १ हजार ३ सय ६० रुपैयाँमा कारोबार भइरहेको महासंघले जनाएको छ।