धिरज राईको गीत ‘लुकी लुकी’ २५ बर्षपछि नयाँ स्वरुपमा (भिडियोसहित)

काठमाडौं । गायक धिरज राईको गीत ‘लुकी लुकी’ २५ बर्षपछि युट्युवमा फेरि सार्वजनिक गरिएको छ । ट्रि इन्टरटेन्मेन्टले यसपटक भिडिओ मेकिङ गर्दै नयाँ स्वरुप दिएको हाे ।

भिडियोमा अभिनेत्री आँचल शर्मा, अभिनेता डेल्विस र राजले अभिनय गरेका छन्। गीतमा शब्द तथा संगीत पनि गायक धीरजकै रहेको छ। संगीतको एरेन्ज रविन दर्शनधारीले गरेका छन्।

नयाँ भिडियोसहित सार्वजनिक भएको गीतको निर्माण दिनेश दर्शनधारी र यशोधा राईले गरेका छन्। भिडियोको निर्देशन माइकल चन्दले गरेका छन् भने कोरियोग्राफी ‘माइकल स्टेप अप एण्ड आर्टस् एकेडेमी’को रहेको छ।