मौसम पूर्वानुमान : कहाँ-कहाँ हुँदैछ बदली र वर्षा ?

काठमाडौं । हाल देशमा पश्चिमी न्यून चापीय प्रणालीको न्युन प्रभाव रहेकोले सुदूरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका पहाडी भू-भागमा आंशिक बदली रहेको छ । 

मौसम पूर्वानुमान महाशाखाका अनुसार आज शुक्रबार पहाडी भू-भागमा आंशिक बदली रही थोरै स्थानमा मेघगर्जन/चट्टयाङ्ग सहित हल्का वर्षाको सम्भावना रहेको छ । गण्डकी प्रदेश, बागमती प्रदेश र प्रदेश १ को उच्च हिमालीको भू-भागको एक दुई स्थानमा हल्का हिमपातको सम्भावना रहेको छ ।

शनिबार देशको पहाडी भू-भागमा आंशिक बदली रही अन्य भू-भागमा मौसम सामान्यतया सफा महाशाखाले जनाएको छ ।