दोहोरो अंकले बढ्यो शेयर बजार,कारोबार २ अर्ब ९९ करोडमा सीमित

काठमाडौं । शेयर बजार दोहोरो अंकले बढेको छ । साताको कारोबारको दोस्रो शेयर बजार मापक सूचक (नेप्से)२५.४१ अंकले बढेर २७१८.५१ विन्दुमा पुगेको छ ।

नेपाल स्टक एक्सचेन्जका अनुसार २२४ कम्पनीको २ अर्ब ९९ करोड ७६ लाख ८१ हजार ७२ रुपैयाँ बराबरको ४९ लाख ९२ हजार ८७९ कित्ता शेयर किनबेच भएका छन् ।

आज कारोबारमा आएका १३ समूहको परिसूचक हरियो भएको छ । दोहोरो अंकले बढेको बजारमा बैंकिङ १६ , होटल तथा पर्यटन ३४ अंक, माइक्रोफाइनान्स १२ अंकले बढेको छ । निर्जीवन बीमा ३९, जलविद्युत ७२अंकले बढेको छ ।

विकास बैंक २२, फाइनान्स २७, उत्पादन समूह ६६ र जीवन बीमा समूह १९ ,अन्य उपसमूह २९ अंक र लगानी समूह १ अंकले बढेको छ ।

दुई कम्पनीको शेयरमूल्यमा उच्च वृद्धि भएको छ ।