नेपालमा थप २१६ जनामा कोरोना संक्रमण पुष्टि, २०९ जना संक्रमणमुक्त

काठमाडौं । नेपालमा पछिल्लो २४ घण्टामा थप २१६ जनामा कोरोना संक्रमण पुष्टि भएको छ । 

स्वास्थ्य मन्त्रालयका अनुसार पछिल्लो २४ घण्टामा २ जना कोरोना संक्रमितको निधन भएको छ । यससँगै हालसम्म देशभर कोरोनाबाट निधन हुनेको संख्या ११ हजार ५ सय ९६ पुगेको छ ।

शुक्रबार २०९ जना कोरोना संक्रमणमुक्त भएका छन् भने हाल देशभर ४ हजार ९७१ सक्रिय संक्रमित रहेका छन् । गत २४ घण्टामा ५ हजार ९६२ पीसीआर तथा १ हजार ६६९ एन्टिजेन परीक्षण भएको छ ।