प्रतितोला ६ सयले बढ्यो सुनको मूल्य,कतिमा हुदैछ कारोबार ?

काठमाडौं । सुनचाँदी बजारमा साताको अन्तिम कारोबार हुनेदिन छापावाल सुनको मूल्य प्रतितोला  ६०० रुपैयाँले उकालो लागेको छ। 

बिहिबार प्रतितोला रु ९२ हजार १०० मा कारोबार भएको सुनकोको मूल्य आज प्रतितोला रु ९२ हजार ७०० तोकिएको छ। 

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला रु ९२ हजार २०० छ जुन बिहीबार प्रतितोला रु ९१ हजार ६०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १५ ले बढेर रु एक हजार २६० पुगेको महासङ्घले जनाएको छ । 

महासङ्घले अन्तर्राष्ट्रिय बजारमा हुने सुनचाँदी कारोबारका मूल्यका आधारमा यहाँ दैनिक सुन तथा चाँदीका मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ८१८ डलर आसपास कारोबार भइरहेको छ ।