काठमाडौं । पार्टीको आसन्न महाधिवेशनका बारेमा छलफल गर्न नेकपा माओवादी केन्द्रको स्थायी कमिटी बैठक आज बोलाइएको छ ।
बिहीवार अपराह्न १ बजे पार्टी केन्द्रीय कार्यालय पेरिसडाँडामा बैठक बोलाइएको हो ।
पार्टी कार्यालय सचिवालयले बैठकमा आसन्न महाधिवेशनसँगै समसामयीक राजनीतिक विषयमासमेत छलफल हुने जनाएको छ ।
टोल वडा र पालिका अधिवेशन सम्पन्न गरेको माओवादी केन्द्रले आगामी मङ्सिर २५ गते सातै प्रदेशमा प्रदेश सम्मेलन गर्ने तयारी गरिरहेको छ ।
आगामी पुस ११ देखि १३ गतेसम्म माओवादी केन्द्रले काठमाडौँमा राष्ट्रिय सम्मेलन गर्ने जनाएको छ ।
About Us
Comment