सभामुखको आह्वानमा सर्वदलीय बैठक बस्दै

काठमाडौँ । सभामुख अग्निप्रसाद सापकोटाले संसद्को कामकारवाहीलाई प्रभावकारी रुपमा अगाडि बढाउन सर्वदलीय बैठक बोलाएका छन्।

बैठक आज अपराह्न साढे २ बजे नयाँ बानेश्वरस्थित सङ्घीय संसद् भवनको ल्होत्से हलमा बस्नेछ । सभामुख सापकोटाका सञ्चार विज्ञ श्रीधर न्यौपानेका अनुसार बैठकमा सङ्घीय संसद्मा प्रतिनिधित्व गर्ने सबै राजनीतिक दलका शीर्ष नेतालाई बोलाइएको छ । संसद्को चालू अधिवेशन सुरु भएदेखि नै प्रमुख प्रतिपक्षी नेकपा एमालेको अवरोधका कारण संसद् बैठक नियमित कार्यसूचीमा प्रवेश गर्न सकेको छैन ।  

बैठकलाई पुनः सञ्चालन गर्न सभामुख सापकोटाले आइतबार नै एमाले प्रमुख सचेतक विशाल भट्टराई, सचेतक शान्ता चौधरी र सांसद खगराज अधिकारीसँग छलफल गरे पनि कुनै निष्कर्ष निक्लिन सकेन ।