थप ४९०४ जनामा कोरोना पुष्टी, ३५ जना संक्रमितको निधन

काठमाडौं । पछिल्लो २४ घण्टामा देशभर ४९०४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार देशभर गरिएको १३ हजार २१७ पीसीआर परीक्षणका क्रममा ३१९४ र ५९०६ एन्टीजेन परीक्षणका क्रममा १७१० जना गरी ४९०४ जनामा कोरोना पुष्टी भएको हो ।

योसँगै नेपालमा कोरोना संक्रमितको संख्या ७ लाख २० हजार ६८० पुगेको छ ।

पछिल्लो २४ घण्टामा २११५ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ७१ हजार १९८ जना पुगेको छ । संक्रिय संक्रमितको संख्या ३७ हजार ३३२ रहेको छ ।

पछिल्लो २४ घण्टामा ३५जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार १५० पुगेको छ ।