गोरखा र स्याङ्जामा कोरोना भाइरसको नयाँ भेरियन्ट भेटियो

काठमाडौं। गण्डकी प्रदेशमा पनि कोरोना भाइरसको नयाँ भेरियन्ट फेला परेको छ । स्याङ्जा र गोरखामा कोरोनाको डेल्टा भेरियन्ट फेला परेको गण्डकी प्रदेश स्वास्थ्य निर्देशनालयले जनाएको छ ।

निर्देशनालयका अनुसार नयाँ भेरियन्टको आशंकामा नमूना परीक्षणका लागि काठमाण्डुस्थित जनस्वास्थ्य प्रयोगशालामा पठाएकोमा स्याङ्जाका २ र गोरखाका ३ गरि ५ जनाका डेल्टा भेरियन्ट संक्रमण पुष्टि भएको हो ।

डेल्टा भेरियन्ट यसअघिको अल्फा भेरियन्ट भन्दा बढी संक्रमित हुने भएकोले सचेतना अपनाउन निर्देशनालयले आग्रह गरेको छ ।