दुई हजार धरौटीमा छुटे गणेश लामा

पोखरा । पोखराको लेकसाइड स्थित एक होटलबाट पक्राउ परेका नेपाली कांग्रेसका युवा नेता एवम् काभ्रे जिल्लाका प्रदेशसभा उम्मेदवार समेत रहेका गणेश लामा रिहा भएका छन् । जिल्ला प्रशासन कार्यालय कास्कीले उनलाई २ हजार धरौटी लिएर छाडेको हो ।

निषेधाज्ञा उल्लंघन गरेको आरोपमा प्रहरीले उनलाई पोखराको लेकसाइड स्थित एक होटलबाट पक्राउ गरेको थियो ।

कास्कीमा प्रमुख जिल्ला अधिकारी थानेश्वर गौतमले लामासहित पक्राउ परेका तीनै जनालाई रिहा गर्न आदेश दिएका हुन् । प्रजिअ गौतमको आदेशसँगै लामासहित पक्राउ परेका नेता चन्द्र लामा र रमेश खड्का पनि सँगै रिहा भएका छन् ।