अख्तियारका कार्यवाहक प्रमुख आयुक्तले दिए राजीनामा

काठमाडौं ।  अख्तियार दुरुपयोग अनुसन्धान आयोगका निवर्तमान कार्यबाहक प्रमुख आयुक्त गणेशराज जोशीले पदबाट राजीनामा दिएका छन् । 

अख्तियारको प्रमुख आयुक्तमा प्रेमकुमार राई नियुक्त भएपछि जोशीले राष्ट्रपति विद्यादेवी भण्डारीसमक्ष राजीनामा बुझाएका हुन् । 

गत भदौमा नवीन घिमिरेले प्रमुख आयुक्तबाट अवकाश पाएपछि जोशीले कार्यबाहक प्रमुख आयुक्तको जिम्मेवारी सम्हाल्दै आएका थिए । 

पूर्व सचिव जोशीले जर्मनीबाट विद्यावारिधि गरेका छन् । 

निजामती सेवामा रहँदा उनी निष्कलंक छवी भएका प्रशासकका रूपमा चिनिन्थे ।