थप ४८८ जनामा कोरोना संक्रमण पुष्टि

काठमाडौं । नेपालमा सोमबार थप ४८८ जनामा कोरोना संक्रमण पुष्टि भएको छ। 

तीन हजार ३०९ जनामा गरिएको परीक्षणमा देशभर गत २४ घण्टामा ४८८ जनामा संक्रमण पुष्टि भएको हो।

योसहित नेपालमा कोरोना संक्रमितको संख्या २ लाख ६५ हजार २६८ पुगेको छ।

त्यस्तै, सोमबार ५२७ जना कोरोनामुक्त भएर डिस्चार्ज भएको स्वास्थ्य तथा जनसंख्या मन्त्रालयले जनाएको छ। योसहित नेपालमा कोरोनामmु हुनेको संख्या २ लाख ५८ हजार ९६८ पुगेको छ।

त्यस्तै, देशभर ४ हजार ३ सय ७३ जना सक्रिय संक्रमित रहेका छन्।