बँदेल मार्न थापिएको विद्युतीय पासोमा करेन्ट लाग्दा मृत्यु

कैलाली। गोदावरी नगरपालिका-५ कटान बस्ने २३ वर्षीय सन्तोष विकको करेन्ट लागेर मृत्यु भएको छ।

कञ्चनपुर कृष्णपुर नगरपालिका ८ र ९ राजघाट जंगलमा उनी समेत ७ जना काठ चोर्न गई फर्किने क्रममा बदेल मार्न थापिएको विद्युतीय पासोमा पर्दा करेन्ट लागेर उनको घटनास्थलमै मृत्यु भएको प्रहरीले जनाएको छ।

करेन्ट लागेर घाइते भएका सोही ठाउँ बस्ने श्याम विकको नवजिबन अस्पताल धनगढी कैलालीमा उपचार भइरहेको छ।

यस सम्बन्धमा प्रहरीले आवश्यक अनुसन्धान गरिरहेको छ।