सुनको मूल्य घट्यो, कतिमा हुँदैछ कारोबार ?

काठमाडौँ । आज सुनचाँदीको मूल्य घटेको छ ।

साताको पहिलो दिन हिजोबाट नै सुनचाँदीको मूल्य घट्न थालेको थियो ।  आज सुन प्रतितोला २ सय रुपियाँ र चाँदी प्रतितोला १० रुपियाँ घटेको हो । हिजो पनि सुन प्रतितोला २ सय रुपियाँ र चाँदी प्रतितोला ३० रुपियाँ घटेको थियो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९८ हजार २ सय रुपियाँ, तेजावी सुनको मूल्य प्रतितोला ९७ हजार ७ सय रुपियाँ र चाँदीको मूल्य प्रतितोला १ हजार ३ सय १५ रुपियाँमा निर्धारण गरिएको छ ।

हिजो छापावाल सुन प्रतितोला ९८ हजार ४ सय रुपियाँ, तेजावी सुन प्रतितोला ९७ हजार ९ सय रुपियाँ र चाँदी प्रतितोला १ हजार ३ सय २५ रुपियाँमा कारोबार भएको थियो ।