भारतमा कोरोना भाइरसबाट संक्रमितको संख्या २१ लाख ५२ हजार नाघ्यो

काठमाडौं। भारतमा कोरोना संक्रमितको संख्यामा दैनिक नयाँ रेकर्ड कायम हुन थालेको छ ।

दैनिक संक्रणमदरमा भारतले अमेरिकामा र ब्राजिललाई समेत उछिन्न थालेको छ।

शनिबार भारतमा एकैदिन ६५ हजार ६५ हजार १५६ जना संक्रमित थपिएका छन्। जबकी सोही अवधिमा अमेरिकामा ५३ हजार ७६१ र ब्राजिलमा ४६ हजार ३०६ संक्रमित थपिएका वल्डोमिटर्सको तथ्यांकमा उल्लेख छ।

भारतमा कोरोना संक्रमितको संख्या २१ लाख ५२ हजार २० पुगेको छ भने यसमध्ये १४ लाख ७९ हजार ८०४ जना संक्रमणमुक्त भएका छन्। कोभिड–१९ बाट भारतमा ४३ हजार ४५३ जनाको मृत्यु भएको छ। हिजो मात्र भारतमा ८७५ जनाको मृत्यु भयो। भारतमा ६ लाख २८ हजार ७६३ सक्रिय संक्रमित छन्।