सिन्धुपाल्चोकमा पहिरो: दर्जनौं घर बगायो, १९ जना बेपत्ता(तस्बिरसहित)

काठमाडौं। रातभरको अविरल बर्षाका कारण आएको बाढी-पहिरोले सिन्धुपाल्चोकका करिब १४ घर बगाउँदा १९ जना बेपत्ता भएका छन।

बाह्रबिसे नगरपालिका र त्यस उँभोको क्षेत्रमा ठाडा खोलाहरु उर्लँदा दर्जनौँ घरमा क्षति पुर्‍याएको हो।

घटनास्थलमा प्रहरी पुग्ने क्रममा रहेको छ । एक बच्चा र एक वयश्कको शव भेटिएको जनाइएको छ । बेपत्ताको खोजीका लागि प्रयास भइरहे पनि भोटेकोशी नदीमा आएको बाढी तथा पहिरोले बाटो अवरुद्ध हुँदा समस्या भएको जनाइएको छ ।

बुधबार मध्यरातमा गाउँमाथिबाट पहिरो खस्दा घरहरु बगाएको हो।