नेपालमा थप ८ जनामा कोरोना भाइरस संक्रमणको आशंका

सुनसरी । उदयपुरको भुल्केस्थित एक मस्जिदमा कोरोना भाइरसको संक्रमणको आशंकामा ६८ जनाको पीसीआर परीक्षण गर्दा   ८ जनामा पोजेटिभ देखिएको छ ।

यसअघि त्रियुगा नगरपालिकामा रहेका १३ जनामा परीक्षण गर्दा कोरोना देखिएपछि उनीहरुसँग सम्पर्कमा आएका ६८ जनाको परीक्षण गरिएको थियो। जसमध्येका ८ जनामा कोरोना पोजेटिभ देखिएको हो।

तर,पोजेटिभ देखिएका नमूनालाई थप परीक्षण गर्न धरानस्थित बिपी कोइराला स्वास्थ्य विज्ञान प्रतिष्ठान पठाइएको छ।

नेपालमा अहिलेसम्म ३१ जनामा कोरोना संक्रमण पुष्टि भइसकेको छ। जसमध्ये ४ जना उपचारपछि घर फर्किसकेका छन्।