कोरोना रोकथामका लागी क्वारेन्टाइन बनाउन काँग्रेस नेता कर्णले दिए सात कोठे घर

काठमाडौं ।नेपाली कांग्रेसका युवा नेता एवं नेपाल विद्यार्थी संघका पुर्व अध्यक्ष रंजित कर्णले आफ्नो घर अस्थायी क्वारेन्टाइनका लागि दिने भएका छन् । 

बिश्वब्यापी संक्रमणको रुपमा फैलिएको कोरोना भाइरस अर्थात कोभिड १९ को शंकास्पद बिरामीहरूको निगरानी तथा उपचारको व्यवस्थापनका लागि संविधान सभा सदस्य एवं नेपाल विद्यार्थी संघका पुर्व अध्यक्ष रंजित कर्णले सप्तरी जिल्ला राजबिराज न.पा.वडा न.३ मा रहेको आफ्नो सात कोठाको आफ्नो घर अस्थायी क्वारेन्टाइनका लागि दिने भएका छन् । 

उनले आफ्नो घर महामारीको समय अबधिसम्म क्वारेन्टाइनका लागि उपलब्ध गराउने घोषणा गरेका छन ।  

सप्तरीमा क्वारेन्टाइन स्थापनाका लागि विभिन्न गाउँपालिका, जिल्ला प्रशासन कार्यालय, स्वास्थ्य कार्यालय, नेपाल प्रहरी र नेपाली सेनाले काम गरिरहेका छन्।