प्रजातन्त्र दिवस भव्यरुपमा मनाइँदै

काठमाडौं–१०४ वर्ष लामो जहाँनिया राणा शासनको अन्त्य भई प्रजातन्त्र स्थापना भएको दिनको स्मरण गर्दै आज ७० औँ प्रजातन्त्र दिवस देशभर विविध कार्यक्रम गरी मनाइँदैछ ।

२००७ साल फागुन ७ गते निरंकुश राणा शासनको अन्त्य भइ देशमा प्रजातन्त्र आएको थियो।

सरकारले प्रजातन्त्र दिवसको अवसरमा विशेष कार्यक्रमको आयोजना गरेको छ । सैनिक मञ्च टुँडिखेलमा बुधवार विहान आयोजना गरिएको  समारोहमा राष्ट्रपति विद्यादेवी भण्डारी, प्रधानमन्त्री केपी शर्मा ओली, सभामुख अग्नि सापकोटा लगायतको सहभागीका थियो ।

समारोहमा ७० औँ प्रजातन्त्र दिवसको व्यानरसहित नेपाली सेनाको हेलिकोप्टरबाट पुष्प वर्षा गर्नुका साथै विभिन्न सांस्कृतिक प्रस्तुति प्रस्तुत गरिएको थियो। साथै सेनाले मार्च पास गर्नुका साथै हर्ष बढाँइ समेत गरेको थियो।